நீங்கள் தேடியது "வங்காளதேச பிரிமீயர் லீக்"

வங்காளதேச பிரிமீயர் லீக் டி20 தொடர் கடந்த மாதம் 5-ந்தேதி தொடங்கியது. இதில் 7 அணிகள் பங்கேற்றன. ஒவ்வொரு அணிகளும் மற்ற அணிகளுடன் தலா இரண்டு முறை மோதின. லீக் ஆட்டங்கள் முடிவில் புள்ளிகள் அடிப்படையில் முதல் நான்கு இடங்களை பிடித்த ரங்க்பூர் ரைடர்ஸ், கொமிலா விக்டோரியன்ஸ், சிட்டகாங் வைக்கிங்ஸ், டாக்கா டைனமைட்ஸ் அணிகள் பிளே-ஆஃப்ஸ் சுற்றுக்கு முன்னேறின.

முதல் குவாலிபையரில் கொமிலா விக்டோரியன்ஸ் ரங்க்பூர் ரைடர்ஸ் அணியை வீழ்த்தி இறுதிப் போட்டிக்கு முன்னேறியது. எலிமினேட்டர் சுற்றில் சிட்டகாங் வைக்கிங்ஸ் அணியை வீழ்த்தி டாக்கா டைனமைட்ஸ் 2-வது குவாலிபையருக்கு முன்னேறியது.

நேற்று 2-வது குவாலிபையர் நடைபெற்றது. இதில் ரங்க்பூர் ரைடர்ஸ் - டாக்கா ரைடர்ஸ் அணிகள் மோதின. முதலில் விளையாடிய ரங்க்பூர் ரைடர்ஸ் 142 ரன்கள் சேர்த்தது. பின்னர் 143 ரன்கள் அடித்தால் வெற்றி என்ற இலக்குடன் டாக்கா டைனமைட்ஸ் களம் இறங்கியது. அந்த்ரே ரஸல் 19 பந்தில் 5 சிக்சர்களுடன் 40 ரன்கள் விளாச டாக்கா டைனமைட்ஸ் 16.4 ஓவரில் 5 விக்கெட் இழப்பிற்கு 147 ரன்கள் எடுத்து வெற்றி பெற்று இறுதிப் போட்டிக்கு முன்னேறியது.

நாளை நடைபெறும் இறுதிப் போட்டியில் கொமிலா விக்டோரியன்ஸ் - டாக்கா டைனமைட்ஸ் அணிகள் பலப்பரீட்சை நடத்துகின்றன. கொமிலா விக்டோரியன்ஸ் லெவிஸ், இம்ருல் கெய்ஸ், தமிம் இக்பால் போன்ற முன்னணி பேட்ஸ்மேன்கள் உள்ளனர். டாக்கா டைனமைட்ஸ் அணியில் ஷாகிப் அல் ஹசன், அந்த்ரே ரஸல், சுனில் நரைன் போன்ற முன்னணி வீரர்கள் உள்ளனர்.

வங்காளதேச பிரிமீயர் லீக் டி20 தொடரில் 37-வது ஆட்டம் இன்று நடைபெற்றது. இதில் சிட்டகாங் வைக்கிங்ஸ் - டாக்கா டைனமட்ஸ் அணிகள் மோதின.

டாஸ் வென்ற சிட்டகாங் வைக்கிங்ஸ் பேட்டிங் தேர்வு செய்தது. தொடக்க வீரர் டெல்போர்ட் 57 பந்தில் 71 ரன்களும், கேப்டன் முஷ்பிகுர் ரஹிம் 24 பந்தில் 43 ரன்களும் விளாச, அந்த அணி 20 ஓவரில் 5 விக்கெட் இழப்பிற்கு 174 ரன்கள் குவித்தது.

பின்னர் 175 ரன்கள் அடித்தால் வெற்றி என்ற இலக்குடன் டாக்கா டைனமைட்ஸ் களம் இறங்கியது. கேப்டன் ஷாகிப் அல் ஹசன் 53 ரன்களும், விக்கெட் கீப்பர் நுருல் ஹசன் 33 ரன்களும், அந்த்ரே ரஸல் 39 ரன்களும் குவித்தனர். என்றாலும் மற்ற வீரர்கள் சோபிக்காததால் டாக்கா அணியால் 20 ஓவரில் 9 விக்கெட் இழப்பிற்கு 163 ரன்கள் மட்டுமே எடுக்க முடிந்தது.

இதனால் சிட்டகாங் அணி 11 ரன்கள் வித்தியாசத்தில் வெற்றி பெற்றது. இந்த வெற்றியின் மூலம் சிட்டகாங் வைக்கிங்ஸ் 11 ஆட்டத்தில் 7 வெற்றிகளுடன் 14 புள்ளிகள் பெற்று 3-வது இடத்தில் உள்ளது. டாக்கா 10 போட்டியில் 5 வெற்றியுடன் 10 புள்ளிகள் பெற்று 4-வது இடத்தில் உள்ளது.

வங்காளதேச பிரிமீயர் லீக் டி20 தொடரில் நேற்று நடைபெற்ற 34-வது ஆட்டத்தில் டாக்கா டைனமைட்ஸ் - ரங்க்பூர் ரைடர்ஸ் அணிகள் மோதின. ரங்க்பூர் ரைடர்ஸ் அணியில் தென்ஆப்பிரிக்கா அணியின் முன்னாள் அதிரடி வீரரான ஏபி டி வில்லியர்ஸ் இடம்பிடித்து விளையாடி வருகிறார்.

முதலில் பேட்டிங் செய்த டாக்கா டைனமைட்ஸ் 20 ஓவரில் 6 விக்கெட் இழப்பிற்கு 186 ரன்கள் குவித்தது. பின்னர் 187 ரன்கள் அடித்தால் வெற்றி என்ற இலக்குடன் களம் ரங்க்பூர் ரைடர்ஸ் அணியின் கிறிஸ் கெய்ல், அலெக்ஸ் ஹேல்ஸ் தொடக்க வீரர்களாக களம் இறங்கினார்கள். கிறிஸ் கெய்ல் 1 ரன் எடுத்த நிலையில் ஆட்டமிழந்தார்.

அடுத்து ரோசவ் களம் இறங்கினார். இவர் ரன்ஏதும் எடுக்காமல் முதல் பந்திலேயே டக்அவுட் ஆனார். இதனால் 5 ரன்னுக்குள் 2-வது விக்கெட்டுக்களை இழந்தது. 3-வது விக்கெட்டுக்கு அலெக்ஸ் ஹேல்ஸ் உடன் ஏபி டி வில்லியர்ஸ் ஜோடி சேர்ந்தார். இருவரும் அபாரமாக விளையாடினார்கள்.



ஏபி டி வில்லியர்ஸ் 50 பந்தில் 8 பவுண்டரி, 6 சிக்சருடன் சரியாக 100 ரன்கள் குவித்தார். அலெக்ஸ் ஹேல்ஸ் 53 பந்தில் 8 பவுண்டரி, 3 சிக்சருடன் 85 ரன்கள் விளாச ரங்க்பூர் ரைடர்ஸ் 18.2 ஓவரில் 2 விக்கெட் இழப்பிற்க 189 ரன்கள் சேர்த்து 8 விக்கெட் வித்தியாசத்தில் அபார வெற்றி பெற்றது.

ஆஸ்திரேலிய அணியின் முன்னணி தொடக்க பேட்ஸ்மேனாக திகழ்ந்த டேவிட் வார்னர், பால் டேம்பரிங் விவகாரத்தில் சிக்சி ஓராண்டு தடைபெற்றுள்ளார். இதனால் டி20 லீக் தொடர்களில் விளையாடி வந்தார்.

வங்காளதேசத்தில் நடைபெற்று வரும் வங்காளதேச பிரிமீயர் லீக்கில் டேவிட் வார்னர் சியால்ஹெட் சிக்சர்ஸ் அணிக்காக விளையாடி வந்தார். அப்போது கேட்ச் பிடிக்கும்போது அவரது முழங்கையில் காயம் ஏற்பட்டது. இதனால் சொந்த நாடு திரும்பினார்.

இந்நிலையில் நாளை அறுவை சிகிச்சை செய்து கொள்ள இருக்கிறார். லேசான காயம் என்பதால் 21 நாட்களுக்குள் முழுமையாக குணமடைந்து விடுவார் என்று கூறப்படுகிறது. உலகக்கோப்பை மற்றும் ஆஷஸ் தொடருக்கான ஆஸ்திரேலிய அணியில் டேவிட் வார்னர் இடம்பெற வாய்ப்புள்ளது.

அதற்கு முன் ஐபிஎல் தொடரில் விளையாட இருக்கிறார். மற்றொரு வீரரான ஸ்மித்தும் முழங்கை காயத்திற்காக அறுவை சிகிச்சை செய்துள்ளார்.

வங்காளதேச பிரிமீயர் லீக் டி20 தொடரில் நேற்று நடைபெற்ற ஆட்டத்தில் சியால்ஹெட் சிக்சர்ஸ் - ரங்க்பூர் ரைடர்ஸ் அணிகள் மோதின.

சியால்ஹெட் சிக்சர்ஸ் அணியின் கேப்டன் வார்னர் பேட்டிங் செய்து கொண்டிருக்கும்போது 19-வது ஓவரை கிறிஸ் கெய்ல் வீசினார். முதல் பந்தில் இரண்டு ரன்கள் அடித்த வார்னர், அடுத்த இரண்டு பந்திலும் ரன்கள் ஏதும் எடுக்கவில்லை.

இதனால் வலது கை பேட்ஸ்மேனாக மாறினார். முதல் பந்தை சிக்சருக்கு தூக்கிய வார்னர், அடுத்த இரண்டு பந்துகளையும் பவுண்டரிக்கு விரட்டினார். இடது கை பேட்ஸ்மேனான டேவிட் வார்னர், சிறந்த வலது கை பேட்ஸ்மேன் போன்று பேட்டிங் செய்து அனைவரையும் வியக்க வைத்தார்.

ஆனால், வார்னர் பேட்டிங் செய்தது ஐசிசி-யின் விதிமுறைக்கு உட்பட்டதுதானா? என்ற கேள்வியை எழுப்பியது. அதனால் கிரிக்கெட் விதிமுறைகளை வகுக்கும் மெரில்போன் கிரிக்கெட் கிளப் வார்னரின் பேட்டிங் பதிவை ஆய்வு செய்தது. அப்போது அவர் விதிமுறைப்படிதான் பேட்டிங் செய்துள்ளார் என்று தெரிவித்துள்ளது.

Unbelievable by Warner if it’s not working with your left hand switch to your right!!! Shot Boi!!!!Video Credit : https://t.co/WE1KrAg5a3#BPL19#CricketPlayedLouderpic.twitter.com/sKUCP3YjSS

— CPL T20 (@CPL) January 16, 2019

கடந்த ஆண்டு மார்ச் மாதம் நடந்த தென்ஆப்பிரிக்காவுக்கு எதிரான 3-வது டெஸ்ட் போட்டியில் பந்தை சேதப்படுத்திய விவகாரத்தில் சிக்கிய, அப்போதைய ஆஸ்திரேலிய அணியின் கேப்டன் ஸ்டீவன் ஸ்மித்துக்கு அந்த நாட்டு கிரிக்கெட் வாரியம் ஒரு ஆண்டு விளையாட தடை விதித்தது.

அவரது தடைக்காலம் வருகிற மார்ச் மாதத்துடன் முடிவடைகிறது. இதனால் அவர் மே மாதம் 30-ந்தேதி இங்கிலாந்தில் தொடங்கும் உலகக்கோப்பை கிரிக்கெட் தொடருக்கான ஆஸ்திரேலிய அணியில் இடம் பெறுவார் என்று எதிர்பார்க்கப்பட்டது.

தடைக்காலத்தில் பல்வேறு நாடுகளில் நடைபெறும் டி20 கிரிக்கெட் லீக் தொடரில் விளையாடி வருகிறார். தற்போது நடைபெற்று வரும் வங்காளதேச பிரிமீயர் லீக்கில் விளையாடி வந்தார்.

இந்நிலையில் ஸ்டீவன் ஸ்மித்துக்கு வலது முழங்கையில் காயம் ஏற்பட்டது. இதனால் அவர் வங்காளதேசத்தில் இருந்து நாடு திரும்புறார். அவரது காயத்துக்கு நாளைமறுதினம் ஆபரேஷன் செய்து கொள்கிறார். இதனால் அவர் குறைந்தது 6 வார காலம் கிரிக்கெட் விளையாட முடியாது.

எனவே உலகக்கோப்பை கிரிக்கெட் போட்டிக்கான ஆஸ்திரேலிய அணியில் ஸ்டீவன் ஸ்மித் இடம் பிடிப்பதில் பின்னடைவு ஏற்பட்டுள்ளது. அதேநேரத்தில் உலகக்கோப்பை போட்டிக்கு முன்னதாக நடக்கும் ஐபிஎல் கிரிக்கெட் தொடருக்கு 78 நாட்களே உள்ளதால் ஸ்டீவன் ஸ்மித் ராஜஸ்தான் ராயல்ஸ் அணியில் பங்கேற்பாரா? என்ற கேள்வியும் எழுந்துள்ளது.

வங்காளதேச பிரிமீயர் லீக் டி20 தொடரில் இன்று நடைபெற்ற ஆட்டத்தில் டாக்கா டைனமைட்ஸ் - ரங்க்பூர் ரைடர்ஸ் அணிகள் மோதின. டாஸ் வென்ற ரங்க்பூர் ரைடர்ஸ் பந்து வீச்சு தேர்வு செய்தது. அதன்படி டாக்கா டைனமைட்ஸ் முதலில் பேட்டிங் செய்தது.

பொல்லார்டு 26 பந்தில் 5 பவுண்டரி, 4 சிக்சருடன் 62 ரன்கள் விளாசினார். கேப்டன் ஷாகிப் அல் ஹசன் 36 ரன்களும், ரசல் 23 ரன்களும் அடிக்க 20 ஓவரில் 9 விக்கெட் இழப்பிற்கு 183 ரன்கள் குவித்தது.

பின்னர் 184 ரன்கள் அடித்தால் வெற்றி என்ற இலக்குடன் ரங்க்பூர் ரைடர்ஸ் அணி களம் இறங்கியது. தொடக்க வீரர்கள் கிறிஸ் கெய்ல் (8), மெஹெதி மருஃப் (10) அடுத்தடுத்து ஆட்டமிழந்தாலும், 3-வது விக்கெட்டுக்கு இணைந்த ரோஸவ், முகமது மிதுன் சிறப்பான ஆட்டத்தை வெளிப்படுத்தினர்.

ரோஸவ் 83 ரன்கள் எடுத்த நிலையில் ஆட்டமிழந்தார். அப்போது ரங்க்பூர் ரைடர்ஸ் அணி 15.3 ஓவரில் 146 ரன்கள் எடுத்திருந்தது. 27 பந்தில் 38 ரன்கள் தேவைப்பட்டது. கைவசம் 7 விக்கெட் இருந்தன. 17 ஓவர் முடிவில் ரங்க்பூர் அணி 4 விக்கெட் இழப்பிற்கு 158 ரன்கள் சேர்த்திருந்தது. கடைசி 3 ஓவரில் 26 ரன்கள்தான் தேவைப்பட்டது.

18-வது ஓவரை அல் இஸ்லாம் வீசினார். இந்த ஓவரின் கடைசி மூன்று பந்தில் ஹாட்ரிக் விக்கெட் வீழ்த்தி அசத்தினார். முகமது மிதுன் 49 ரன்கள் எடுத்த நிலையில் க்ளீன் போல்டானார். அடுத்து வந்த மோர்தசா முதல் பந்திலேயே ஸ்டம்பை பறிகொடுத்தார். அடுத்து வந்த பர்கத் ரேசாவையும் டக்அவுட்டில் வீழ்த்தினார். இதனால் ரங்க்பூர் அணி மளமளவென விக்கெட்டை இழந்தது.

கடைசி இரண்டு ஓவரில் 23 ரன்கள் தேவைப்பட்டது. கைவசம் மூன்று விக்கெட்டுக்கள் இருந்தன. சுனில் நரைன் வீசிய 19-வது ஓவரில் 9 ரன்கள் எடுத்த ரங்க்பூர் 2 விக்கெட்டுக்களை இழந்தது. இதனால் கைவசம் ஒரு விக்கெட் இருக்க கடைசி ஓவரில் ரங்ப்பூர் அணிக்கு 14 ரன்கள் தேவைப்பட்டது.

கடைசி ஓவரை அல் இஸ்லாம் வீசினார். முதல் இரண்டு பந்துகளையும் ஷபியுல் இஸ்லாம் பவுண்டரிக்கு விளாசினார். இதனால் நான்கு பந்தில் 6 ரன்கள் தேவைப்பட்டது. அடுத்த பந்தில் ஒரு கொடுத்த இஸ்லாம், 4-வது பந்தில் ரன்ஏதும் விட்டுக்கொடுக்கவில்லை.

அடுத்த இரண்டு பந்திலும் ரங்க்பூர் அணி தலா ஒரு ரன் மட்டுமே அடித்ததால் 9 விக்கெட் இழப்பிற்கு 181 ரன்கள் மட்டுமே எடுத்தது. இதனால் டாக்கா டைனமைட்ஸ் 2 ரன்கள் வித்தியாசத்தில் த்ரில் வெற்றி பெற்றது.

பால் டேம்பரிங் விவகாரத்தில் ஆஸ்திரேலிய கிரிக்கெட் வாரியம் ஸ்டீவ் ஸ்மித்திற்கு ஓராண்டு தடைவிதித்துள்ளது. இதனால் பிரிமீயர் லீக் டி20 தொடர்களில் பங்கேற்று விளையாடி வருகிறார். வங்காள தேச பிரிமீயர் லீக் தொடரில் விளையாடுவதற்காக கொமிலா விக்டோரியன்ஸ் அணியுடன் ஒப்பந்தம் செய்தார்.

இதற்கு மற்ற அணிகள் கடும் எதிர்ப்பு தெரிவித்தது. இதனால் ஸ்டீவ் ஸ்மித் பங்கேற்க வங்காள தேச கிரிக்கெட் போர்டு அனுமதி அளிக்கவில்லை. இந்நிலையில் ஸ்மித் மீதான தடையை இன்று நீக்கியுள்ளது.

இதுகுறித்து வங்காள தேச கிரிக்கெட் போர்டு கூறுகையில் ‘‘மற்ற அணிகள் எதிர்ப்பு தெரிவித்ததால் நாங்கள் முதலில் அனுமதி கொடுக்கவில்லை. இன்று நான்கு அணிகள் தனித்தனியாக, அவர்கள் தெரிவித்த எதிர்ப்பை திரும்பப் பெறுவதாக மெயில் அனுப்பியுள்ளனர்’’ என்று குறிப்பிட்டுள்ளது.

ஆஸ்திரேலியா அணியின் முன்னாள் கேப்டனான ஸ்டீவ் ஸ்மித்திற்கு, பந்தை சேதப்படுத்திய விவகாரத்தில் ஆஸ்திரேலியா கிரிக்கெட் வாரியம் அவருக்கு ஓராண்டு தடை விதித்துள்ளது. தடையை குறைக்க வேண்டும் என்று ஆஸ்திரேலியா வீரர்களின் சங்கங்கள் உள்பட பல்வேறு இடங்களில் இருந்து கோரிக்கை எழுந்தது.

ஆனால், ஆஸ்திரேலிய கிரிக்கெட் வாரியம் தடையை நீக்க மறுத்துவிட்டது. சர்வதேச மற்றும் உள்ளூர் முதன்மையான தொடரில் விளையாட தடைவித்ததால், ஸ்மித்திற்கு அதிக அளவில் ஓய்வு நேரம் கிடைத்துள்ளது. இதனால் தற்போது புகழ்பெற்று வரும் டி20 லீக்கில் களம் இறங்க முடிவு செய்தார்.

அதன்படி கனடா மற்றும் கரிபியன் பிரிமீயர் லீக்கில் விளையாடினார். பாகிஸ்தான் சூப்பர் லீக்கில் விளையாட ஒப்பந்தம் செய்யப்பட்டுள்ளார். இந்நிலையில் தற்போது வங்காள தேசம் பிரிமீயர் லீக்கில் விளையாட ஒப்பந்தம் செய்யப்பட்டுள்ளார்.



வங்காளதேசம் பிரிமீயர் லீக்கில் இடம்பிடித்திருந்த பாகிஸ்தான் மூத்த வீரர் சோயிப் மாலிக்கை, பாகிஸ்தான் கிரிக்கெட் வாரியம் திரும்ப அழைத்துள்ளது. இதனால் ஸ்மித் ஒப்பந்தம் செய்யப்பட்டுள்ளார். ‘‘நாங்கள் ஸ்மித்தை ஒப்பந்தம் செய்துள்ளோம். அவர் நான்கு போட்டிக்குப்பிறகு அணியில் இணைவார் என்று நம்புகிறோம்’’ என்று அந்த அணி தெரிவித்துள்ளது.

மற்றொரு வீரரான டேவிட் வார்னர் சியால்ஹெட் சிக்சர்ஸ் அணிக்காக விளையாட இருக்கிறார். இந்த தொடர் அடுத்த வருடம் ஜனவரி மாதம் 5-ந்தேதி தொடங்குகிறது.